 |
 |
 |
 |
 |
 |
 |
 |
 |
| يافي العلم للشاعر صامد العكيلي |
| تعيش النة ذخر دايم تظل مهيوب سرت على النهج قران والعترة مثل جدك علي الكرار بالاحكام حكمة ومرجلة وتدبير بالفكره علي السيستاني تبقى رمز للاسلام بغيبة حجة الله الكلهة تنتظره سير على النهج دستورك القران من الله ورسولة مبارك بنصره ندعي الله ورسولة ايحفظك الهل الدين وبفكرك نظل انحارب الزمر ه نبقى وياك كل خطوة على دربك نور وتبقى ارض النجف بعيونك منوره نبقى وياك نمشي بفكرة الدستور رغم كل من يريد الفكرك ايغيره اذا رادوا سلم احنة انبنينة اعليه ونمد ايد الصلح بكلوب منسره واذا رادوا عنف من ثورةالعشرين معروف العراق بشيمتة وصبره بس امر علينة وصدر الفتوى تلكة ارجال فوك الرجال متطشره نحصدهم حصد نقلعهم من الساك ولو ردنة الجذر نوصلة ونتبره لان عدنة العقيدة انحارب ابخلاص وكل يابس خشم بجفوفنة انكسره تظل شامخ علينة بنفحة الطيب سيستاني البشر بعلومة منبهره في ظلك علينة من العلم والجود يافي العلم متلوحك الحره تبقى اعمامتك باسم العلم والدين وتظل كل العمايم بيك مفتخره وتظل سود العمايم عاليات السور ويظل بحر العلم بجفوفهم قطره كتبت القصيدة والقيت اول مرة في دار الشيخ عبد الصاحب عودة الهادي عام2004ثم بعدها القيت على منبر حسينية الرفاعي وجوامعه ونالت اعجاب الناس داخل وخارج الرفاعي حيث بعثت بيد السيد العميدي مبعوث السيد السيستاني دام ظله |